ఒక్క క్లిక్‌తోనే ‘కిసాన్‌ డ్రోన్‌’ సేవలు అందుబాటులోకి వచ్చేలా రాష్ట్ర ప్రభుత్వం చర్యలు తీసుకుంది. క్యాబ్‌ బుకింగ్‌ తరహాలో రైతులు కూడా కిసాన్‌ డ్రోన్లను బుక్‌ చేసుకునే విధానాన్ని అందుబాటులోకి తీసుకొచ్చింది. స్మార్ట్‌ ఫోన్‌లో గూగుల్‌ ప్లేస్టోర్‌ ద్వారా ‘ఊబరైజేషన్‌ ఆఫ్‌ కిసాన్‌ డ్రోన్‌’ యాప్‌ను డౌన్‌లోడ్‌ చేసుకుని దానిద్వారా డ్రోన్లను బుక్‌ చేసుకోవచ్చు. లేదా రైతు సేవా కేంద్రాల్లో వ్యవసాయశాఖ ఏర్పాటుచేసిన డ్రోన్‌ సేవల వాల్‌పోస్టర్‌లోని క్యూఆర్‌ కోడ్‌ను స్కాన్‌ చేసి, డ్రోన్‌ సేవల్ని ఉపయోగించుకోవచ్చు.